Maan ki wasiat

Arab ki aik mashoor alim adeeba nai apni beti ki rukhsati par us ko 10 wasiatain (advices) keen . kisi bhi zamanay main agar har biwi in 10 wasiaton par amal karay to ghar jannat ka namoona ban jaye


1: mairi piari beti! mairi ankhoon ki dhandak, shohar kai ghar ja kar QANAAt wali zindagi guzarnay ka ahtamam karna , jo daal roti millay is par razi rahna ,jo
rookhi sookhi shohar ki khushi kay saath mill jaye woh us murgh pulao sai bahtar hai jo tumharay israar karnay par us nai narazi sai dia ho

2: is baat ka khial rakhna kah apnay shohar ki baat ko hamesha tawajjah sai sunna , isay ahmiat daina aur har haal main in batoon pai amal karnay ki koshis kar
karna is tarah tum un kay dill main jagah bana lo gi kionkah admi nahin admi ka kaam piara hota hai

3:apni zeenato jamal ka aisa khial rakhna kah jab woh tujhhe nigah bhar kar daikhay to apnay intikhab (selection) par khush ho aur saadgi kay saath jitni bhi
hasil ho khushbo ka ahtamaam zaroor karna ... yaad rakhna tairay jism o libaas ki koi boo ( smell) ya banawat isay nafrat o kirahat na dilaye

4:apnay shohar ki nigah main purkashis maloom honay kai liye apni ankhon ko surma aur kajol sai araasta karna kionkah purkashis ankhain , pooray wajood
ko daikhnay walay ki nigahoon main jacha daiti hain

5:shohar ka khana waqt sai pahlay tiar rakhna kionkah dair tak bardasht ki janay wali bhook bharaktay hoye shoolay ki manind ho jati hai ... in kay aram karnay
aur neend poori karnay kay okaat (time) main sakoon ka mahool banana kionkah neend adhoori rah jaye to tabiat main ghussa aur chirchira pan paida ho jata
hai

6:in kai ghar in kay maal ki nagrani karna yaani in ki ijazat kai baghair koi ghar main na aye aur in ka maal laghwiat (fizool) numaish o fashion main barbaad
na karna kionkah maal ki bahtar hifazat husne intizaam sai hoti hai aur ahlo aiaal (family) ki bahtar hifazat husne tadbeer sai hoti hai

7 :hamesha in ki raazdaar rahna aur in ki nafarmaani hargiz na karna kionkah in jaisay baroob shakhs ki nafarmaani jalti par tail ka kaam karay gi aur agar tum us
ka raaz doosron sai na chupa saki to us ka aitmaad (trust) tum par sai hatt jaye ga aur tum bhi phir us kai do rukhaypan (double face) sai mahfooz na rah
sako gi

8: jab woh kisi baat par ghamgeen (unhappy) ho to apni kisi khushi ka izhaar in kay saamnay na karna yaani in kay gham main barabar ki shreek rahna ..
shohar ki kisi khushi kai waqt apnay chuppay hoye gham kai asraat chahray (face) pai na laana aur na shohar sai in kay kisi rawaye (behavior) ki shikayat
karna .. in ki khushi main khush rahna

9: agar tum in ki nigahon main kabile takreem (respected) banna chahti ho to is ki izzat aur ahtaram ka khoob khial rakhna aur is ki marzi kay mutabik chalna
.. phir to tum is ko bhi hamesha apni zindagi kay har marhalay main apna bahtareen rafeeq (friend) pao gi

10: mairi piari beti! mairi is naseehat ko pallo sai bandh lo (always keep in your mind through out your life) aur is par girah laga lo kah jab tum in ki khushi
aur marzi ki khatir kai baar apna dill nahin maroo gi aur in ki baat oopar rakhnay kay liye khawah tumhain pasand ho ya na pasand (either you like it or not)
zindagi kai kaye marhalon ( periods) main apnay dill main uthnay wali khwahishon (wishes) ko dafan nahin karo gi , us waqt tak tumhari zindagi main bhi
khushi kai phool nahin khillain gay , aay mairi piari aur laadli beti main in nasihaton kai saath tumhain ALLAH kay hawalay karti hoon

www.faizaneraza.org